Gihatagan sa Partido Komunista ng Pilipinas (PKP) ug sa tibuok rebolusyonaryong kalihukan og pinakataas nga pasidungog ug Pulang saludo si Kaubang Josephine Mendoza (Ka Sandy), myembro sa Komite Sentral ug ikaduhang bise kalihim sa rehiyunal nga komite sa Partido sa Southern Tagalog.

Namatay si Ka Sandy niadtong Nobyembre 10 sa edad nga 59. Sa lain-laing lugar nga iyang gilihukan, naila usab siya nga si Nene, Minerva ug Victoria Mirayan.

Gitugyan ni Ka Sandy ang kapin upat ka dekada sa iyang kinabuhi sa pag-alagad sa rebolusyon ug sa dinaugdaug ug pinahimuslang masa sa kabanikanhan ug kasyudaran sa rehiyon.

Produkto si Ka Sandy sa pag-ulbo sa kalihukan batok sa diktaduryang Marcos Sr niadtong dekada 1980. Misampa siya sa Bagong Hukbong Bayan (BHB) niadtong 1984 ug nagsilbi sa nangulong mga komite sa Partido ug BHB sa mga natarang gerilya sa Mindoro ug isip ikaduhang kalihim sa komite sa PKP sa Palawan niadtong dekada 1990.

Daku ang nahimong tampo niya sa pagpalagsik sa rebolusyonaryong kalihukan sa kasyudaran sa rehiyon gikan dekada 1990. Daghang mga pakigbisog sa masa ang iyang gipangulohan ilalum sa sunud-sunod nga rehimeng Estrada, Arroyo, Aquino, Duterte hangtud sa pagbalik sa pamilyang Marcos sa poder.