Maika-160 aldaw ni Bonifacio, linagip. Linagip ti Aldaw ni Bonifacio dagiti nailian-demokratiko a puersa iti Metro Manila, Cebu, Bacolod, Iloilo ken Davao idi Nobyembre 30. Kiddaw da ti nayon-sweldo, trabaho, pampubliko a serbisyo, karbengan ken wayawaya. Kakuyog a nagmartsa dagiti agtutubo a kameng ti Anakbayan, a nagrambak ti maika-25 anibersaryo ti pannaka-itakder da iti agpada nga aldaw.

Martsa para iti Palestine. Nagkukuyog a nagmartsa ti ginasut nga aktibista ken Moro sadiay Manila idi Nobyembre 25 ti malem tapno irupir ti nainkalintegan a kappia iti Palestine ken sigida a panangpasardeng iti kampanya nga henosidyo ken panagbomba ti Zionista nga Israel iti Gaza. Panggep da a dumalan iti embahada ti US ngem sinerraan ida dagiti pulis. Nagmartsa da manipud Luneta agturong Cultural Center of the Philippines iti Roxas Boulevard nu sadinno da nga intuloy ti programa.