Ika-160 nga adlaw ni Bonifacio, gindumdom. Gindumdom ang Adlaw ni Bonifacio sang mga pungsodnon-demokratiko nga pwersa sa Metro Manila, Cebu, Bacolod, Iloilo kag Davao sadtong Nobyembre 30. Panawagan nila ang dugang-sweldo, trabaho, pampubliko nga serbisyo, kinamatarung kag kahilwayan. Upod nga nagmartsa ang mga pamatan-on nga myembro sang Anakbayan, nga naghiwat sang ila ika-25 nga anibersaryo sang pagkatukod sa pareho nga adlaw.

Martsa para sa Palestine. Ululupod nga nagmartsa ang ginatos nga aktibista kag Moro sa Metro manila sadtong Nobyembre 25 sang hapon para iduso ang makatarunganon nga kalinong sa Palestine kag gilayon nga pagpa-untat sa kampanyang henosidyo kag pagpamomba sang Zionista nga Israel sa Gaza. Tuyo nila nga mag-agi sa embahada sang US pero ginpunggan sila sang mga pulis. Nagmartsa sila halin Luneta padulong Cultural Center of the Philippines sa Roxas Boulevard kung sa diin ginpadayon nila ang ila programa.