Ika-160 nga adlaw ni Bonfacio, gidumdum. Gidumdum ang Adlaw ni Bonifacio sa mga nasudnon-demokratikong pwersa sa Metro Manila, Cebu, Bacolod, Iloilo ug Davao niadtong Nobyembre 30. Panawagan nila ang dugang-suhulan, trabaho, katilingbanong serbisyo, katungod ug kagawasan. Duyog sa nagmartsa ang mga kabatan-onang myembro sa Anakbayan, nga nagsaulog usab sa ilang ika-25 nga anibersaryo sa pagkatukod sa maong adlaw.

Martsa para sa Palestine. Hiniusang nagmartsa ang gatusan ka aktibista ug Moro sa Maynila niadtong Nobyembre 25 sa hapon aron iduso ang makatarunganong kalinaw sa Palestine ug sa hinanaling pagpahunong sa kampanyang henosidyo ug pagpamomba sa Zionistang Israel sa Gaza. Plano nilang moagi sa embahada sa US apan gibabagan sila sa mga pulis. Nagmartsa sila gikan Luneta padulong sa Cultural Center of the Philippines sa Roxas Boulevard kung asa gipadayon nila ang ilang programa.