Reklamasyon, pamatukan. Nagprotesta sadtong Enero 19 ang mga mangingisda kag tigpangapin sa kinaiyahan sa Department of Environment and Natural Resources sa Quezon City para liwat nga iduso ang pagpa-untat sa mga proyekto nga reklamasyon sa pungsod. Ginlunsar ini kadungan sang ika-5 ka tuig nga anibersaryo sang Manila Bay Rehabilitation Program.

Hilwayon si Mary Jane Veloso. Nagprotesta ang mga himata ni Mary Jane Veloso kag iya nga mga taga-suporta sa Mendiola, Manila sadtong Enero 10 para iduso sa rehimen Marcos nga hanyuon ang Indonesia nga hilwayon si Veloso sa halos 14 ka tuig na nga pagkabilanggo. Napriso si Veloso sa Indonesia sugod pa sang 2010 sang mabiktima siya sang human and drug trafficking. Kadungan ang piket sa kaadlawan ni Veloso kag pagbisita ni Indonesian president Joko Widodo sa Pilipinas.

Kaksanay sa migrante nga mamumugon Pilipino sa New Zealand, ginbatuan. Nagtililipon ang mga mamumugon sang kumpanya sa Auckland, Wellington kag Christchurch sa New Zealand sadtong Enero 19 para pulpugon ang ELE kag ang gubyerno sang Pilipinas nga gilayon nga ihatag ang sweldo kag ayuda nga nagakadapat sa ila. Nawad-an sang trabaho ang masobra 1,000 ka mamumugon, kabahin ang 495 ka mamumugon nga Pilipino, sang nagdeklarar sang pagkabangkarote ang ELE Holdings Ltd sa New Zealand, apat ka adlaw bag-o magpaskwa sadtong Disyembre 2023. Ang ELE holdings ang grupo sang lima ka kumpanya kung sa diin kabahin ang dako nga ahensya sa pamugon (manpower agency) nga naga-empleyo sang mga temporary nga migranteng mamumugon.

Untaton ang pagmina sa Homonhon kag Manicani. Liwat nga naglunsar sang ralu ang mga residente sang Eastern Samat, sa pagpanguna sang Save Homonhon Movement, sadtong Enero 20 sa banwa sang Guiuan para ipa-untat ang mapangwasak nga pagmina sa mga isla sang homonhon kag Manicani. Kaugyon sa hublag ang mga relihiyoso nga grupo kag mga parokya sang simbahan Katoliko sa prubinsya.