Ginpatigayon sang mga rebolusyonaryong organisasyon sa Metro Manila kag kasikbit nga prubinsya nga Rizal ang oplan sab-it kag oplan dikit para ipakita ang anibersaryo sang Partido komunista ng Pilipinas kag ang rebolusyonaryong kahublagan.

Sa Rizal, naglunsar sang oplan sab-it ang Partido Komunista ng Pilipinas (PKP)-Rizal sadtong Enero 9 sa Antipolo City para dumdumon ang ika-55 nga anibersaryo sang Partido kag una nga anibersaryo sang pagkapatay ni Kaupod Jose Maria Sison. Nagsab-it sila sang duha ka dalagko nga karatula sa tindahan sang syudad kung sa diin madamo sang naga-agi.

Sa EDSA Avenue sa Metro Manila, nagpatapik sang matinugahon nga obra kag nagpinta sa pader ang mga katapo sang Artista at Manunulat ng Sambayanan (Armas)- Tsapter Marlon Caacbay sadtong nagligad nga semana para hiwaton ang ika-37 nga anibersaryo sang Armas. Ginpakita sang grupo ang pagsuporta nila sa inaway banwa sa pungsod para ibagsak ang imperyalismo, pyudalismo kag burukrata kapitalismo. Ginsaway man sang grupo ang nagaluntad nga burges-dekadente nga kultura nga nagapadunot sa arte kag literature sang pungsod.