Nagbuhi sang indi magnubo sa 200 ka misayl kag drone ang Iran batuk sa Zionista nga Israel sadtong Abril 13 nga nag-igo sa mga base kag paluparan militar sang pungsod. Suno sa Iran, ang atake nga ini balos-salakay sa pagbomba sang Israel sa embahada sini sa Damascus, Syria sadtong Abril 1. Napulo kag walo ang napatay sa pagpangbomba sa embahada, lakip ang matag-as nga kumander sang hukbo sang Iran.

Ginpatigayon ang atake santo sa internasyunal nga layi angot sa pagpangapin sa kaugalingon, pahayag sang Iran. Ginakabig sini nga “sirado na” ang hambalanay kag ginpaandaman ang Israel kag US batuk sa paglunsar sang sabat nga mga atake.

Pasabton ang US sang binuang nga mga aksyon sang Zionistang rehimen, kag direkta nga ginpaandaman ang “manugpatay-bata” nga Israel nga manabat sa henosidyo batuk sa Palestine.