Hungod nga ginpatay sang 48th IB si Kaliska Dominica Peralta (Ka Rekka), isa ka Pulang hangaway sang Bagong Hukbong Bayan nga wala sa pusisyon nga magbato, sa Barangay Butong, Quezon, Bukidnon sadtong Abril 10. Anay siya estudyante sang University of the Philippines-Diliman.

Wala sang armas si Ka Rekka sang madakpan sang 48th IB. Suno sa mga saksi, gindala siya sa lain nga bahin sang barangay pagkatapos madakpan kag didto siya gin-tortyur antes luthangon kag patyon. Tatlo ka iban pa, nga may kaupod nga lapsag, ang gin-aresto sang AFP. Wala sang natabo nga awayan sa lugar, kabaliskaran sa mga pahayag sang militar kag pulisya. Panawagan sang mga demokratiko nga grupo nga imbestigahan ang 48th IB sa hungod nga pagpatay kay Ka Rekka. Ginpasidunggan siya sang iya pareho nga aktibista, abyan kag mga estudyante sa UP-Diliman sadtong Abril 20.

Nagdesisyon nga magbuylog si Ka Rekka sa hukbo sang banwa sadtong 2016. Una siya nga gintalana sa BHB-Eastern Visayas antes siya ginbalhin sa BHB-Southern Mindanao. Ginpasidunggan siya sang Partido Komunista sang Pilipinas kag BHB sa iya pagtinguha kag kontribusyon sa armadong rebolusyon sa panahon nga tuman ka dako sang kabudlayan kag sakripisyo ang kinahanglanon para isulong ini.