Sining Abril, duha ka mangunguma ang ginpatay sa Masbate. Sila ang ika-27 kag ika-28 nga mangunguma nga ginpatay sang Armed Forces of the Philippines (AFP) sa isla sa idalum sang rehimen Marcos.

Gindagit sang apat ka myembro sang CAFGU si Elorde Almario, 43, sa iya ulumhan sa San Carlos, Milagros sadtong Abril 2. Nakit-an siya nga patay sang iya mga himata sa adlaw man nga ini. Sa report sang iya pamilya, may mga igo sang pusil kag agi sang tortyur nga gin-agum ang biktima sa iya bangkay.

Sadtong Abril 4, gindagit sang pareho nga grupo sang mga CAFGU si Nonong Monteseban, anay kapitan sang San Carlos. Pagkatapos nga kastiguhon, ginbuhian siya sang mga pasista tungod indi kuno siya ang ila ginapangita.

Sadtong Abril 11, ginpatay sang AFP si Jimmy Pautan sa Sityo Tadloy, Barangay Luna, Placer. Pareho sa madamo nga kaso, ginpaguwa sang AFP nga Pulang hangaway si Pautan nga napatay sa isa ka engkwentro.

Samtang, ginluthang sang mga elemento sang 4th IB si Jay-el Banay Maligday, isa ka estudyante sa Grace Mission College kag residente sang Sityo Soryawon, Barangay San Roque, Bulalacao, Oriental Mindoro sadtong Abril 7. Ginpa-guwa sang militar nga katapu siya sang BHB pagkatapos nga salakayon sang isa ka platun sang mga soldado ang iya balay.

Pag-abdak. Gin-abdak kag tubtob subong wala pa ginpalutaw sang mga ahenteng militar si William Lariosa, beterano nga organisador sang Kilusang Mayo Uno-Southern Mindanao. Gin-abdak si Lariosa, 63, sadtong Abril 10 sa Barangay Butong, Quezon, Bukidnon. Madugay na nga gina-initan sang militar si Lariosa kag iya pamilya gani nag-sangtwaryo siya sa Bukidnon.

Padihot nga palayason. Napilasan kag nalipong ang isa ka lokal nga residente sang Lupang Tartaria sa Silang, Cavite sadtong Abril 16 sang pilit nga sudlon sang mga gwardya halin sa Jarton Security Services ang komunidad sang mga mangunguma.

Ginsalakay kag nagtikluranay ang mga gwardya sa Tartaria sa katuyuan nga paderan ang duta. Ang amo nga mga gwardya nagaserbe nga pribado nga goons sang paresay nga Ayala-Aguinaldo, nga madugay na nga naga-angkon sa amo nga duta. Suno sa mga mangunguma, iligal ang ginhimo nga pagpader samtang wala pa napapanaug ang desisyon sa pagpanag-iya sang duta sang Department of Agrarian Reform kag sang Korte Superma.

Demolisyon. Iligal nga gin-demolis sang gin-isa nga mga pwersa sang National Housing Authority kag pulis sang Quezon City ang mga balay sa San Isidro, Quezon City sadtong Abril 18. Yara sa 700 ka pamilya ang apektado sang demolisyon sa komunidad nga yara sa likod sang Philippine Children’s Medical Center. Natalana nga patindugan sang parking lot ang amo nga lugar.