Nagprotesta sa atubang sang embahada sang US ang lain-lain nga grupo sadtong Abril 11 para batikuson ang “trilateral summit” sang Pilipinas, Hapon kag US nga ginhiwat sa Washington D.C. Nakahibalo ang mga grupo nga gindihon ang pagsinapol nga ini sa katuyuan sang US nga palaparon ang presensya sini sa first-island chain sa tabon sang “seguridad” kag “kahilwayan” sa South China Sea.

Sa US, ginsug-alaw sang mga protesta sang mga grupong Filipino-American si Marcos kag ang trilateral summit sadtong Abril 11 kag 12. Ginbatikos nila ang papel sang US sa pagpondo kag suportang militar sini sa rehimen Marcos.

Sadtong Abril 9, nagkadto sa konsulado sang China sa Makati City ang lain-lain nga mga organisasyon para kundenahon ang tayuyon nga pagpang-ipit sang China sa mga mangingisda kag barko nga Pilipino kag pagpang-agaw sini sang teritoryo sa West Philippine Sea. Ginpanawagan sang mga grupo sa China, subong man sa US, nga untaton ang militarisasyon sa WPS.