Welgang transportasyon, madinalag-on. Naglunsar sang welga sang transportasyon sadtong Abril 15-16 ang PISTON kag Manibela para igiit ang pag-atras sang pwersahan nga konsolidasyon sang prangkisa sa maabot nga Abril 30 kag ibalik ang 5 ka tuig nga indibidwal nga prangkisa. Yara sa 80% sang mayor nga mga rota sa Metro Manila ang naapektuhan kag pila ka bahin sang Cavite kag Laguna ang naparalisa. Sa una nga adlaw, naglab-ot sa 400 ka dyip ang nakigbahin sa protesta kag karaban padulong sa LTFRB, kon diin nag-tener sila sang isa ka gab-i. Pagkaaga, nagkomboy ang mga drayber kag opereytor padulong sa Welcome Rotonda sa dulunan sang Quezon City kag Manila.

Nakaangkon man sang pareho nga mga welga pang-transportasyon sa Iloilo, Bacolod kag Cebu, kag hulag-protesta sa Davao. Ang aktibidad nga ini bahin sang serye sang mga paghulag nga plano nga hiwaton sang duha ka grupo sa transportasyon tubtob sa katapusan sang bulan.

Pagwasak sang NTF-Elcac, liwat nga ginpanawagan. Nagprotesta ang mga katapu sang KMP kag iban pa nga grupo sang mangunguma sa atubang sang National Intelligence Coordinating Agency sa Quezon City sadtong Abril 12 para kundenahon ang paglakip sang NTF-Elcac sa KMP sa 30 ka organisasyon nga ginakabig “prente” sang Partido kag BHB. Suno sa ila, ang red-tagging nga ini bahin sang pagpasingki sang pagpang-ipit sang rehimen Marcos batuk sa mga ligal kag lehitimo nga mga organisasyon masa, sandig sa operasyon kontra-insurhensya sini nga nabalay sa ubay sang US.

Protesta nga Red Friday (Pula nga Biyernes) para sa sweldo, ginlunar. Ginlunsar sang mga mamumugon ang una nga Red Friday Protest para sa dugang nga sweldo kag batok sa maki-negosyo kag maki-dumuluong nga PUVMP sadtong Abril 12 sa Marikina City kag sa Monumento, Caloocan sadtong Abril 19. Ginkundena nila si Ferdinand Marcos Jr nga siling nila puro lang wakal sang chacha (charter change) apang padayon nga nagahipos sa hambalanon sang sweldo. Gintum-okan nila nga tuman ka gamay, kag nagakaulihi pa, ang ginahatag sang mga regional wage board sadtong nagligad nga tuig.