Malipayong gidawat sa Koalisyong Makabayan ang mga anunsyo nilang Liza Maza, kanhing representante sa Gabriela Women’s Party ug usa sa lider sa koalisyon, ug Ronnel Arambulo, bise presidente sa Pamalakaya, ang ilang deklarasyon aron modagan sa Senado. Gihimo ni Maza ang iyang deklarasyon niadtong Agosto 15 sa usa ka kabus nga komunidad, samtang nag-anunsyo si Arambulo sa komunidad sa mangingisda sa Navotas niadtong Agosto 19. Ang duha mga iladong lider masa nga lig-ong mibarog alang sa interes sa katawhan ug batok sa imperyalistang US. Si Arambulo, usa ka mangingisda sa Laguna de Bay, aktibo sa kampanya batok sa pagpamig-ot sa China ug alang sa pagduso sa katungod sa mananagat sa tradisyunal ug teritoryal nga mga pangisdaanan.

Samtang, gikundena ni Maza ug sa Makabayan ang pagsulay sa rehimeng Marcos, pinaagi sa NTF-Elcac, nga pugngan ang deklarasyon ni Maza. Giipit niini ang mga residente sa komunidad sa North Caloocan nga orihinal nga benyu sa katigumang masa, maong kinahanglang ibalhin ang benyu.

Awhag sa Makabayan nga suportahan ang kandidatura nilang Maza ug Arambulo, ingonman sa tulo ka una nang nagdeklara nga mga kandidato niini nga silang Rep. France Castro sa ACT Teachers Party, Rep. Arlene Brosas sa Gabriela Women’s Party, ug Jerome Adonis sa Kilusang Mayo Uno.