Naragsak nga inawat ti Koalisyong Makabayan dagiti anunsyo da Liza Maza, dati a mangibagi ti Gabriela Women’s Party ken maysa kadagiti mangidaulo ti koalisyon, ken ni Ronnel Arambulo, bise-presidente ti Pamalakaya, ti deklarasyon ti tunggal maysa tapno tumaray iti Senado. Inyaramid ni Maza ti deklarasyon na idi Agosto 15 iti maysa a nakurapay a komunidad, bayat a nagiyanunsyo ni Arambulo iti komunidad ti mangngalap idiay Navotas idi Agosto 19. Ti dua ket mabigbig a lider masa a natibker a tumaktakder para iti interes ti umili ken laban iti imperyalista a US. Ni Arambulo, maysa a mangngalap ti Laguna de Bay, ket aktibo iti kampanya laban iti panagliplipit ti China ken para iti panangiruprupir iti karbengan dagiti mangngalap kadagiti tradisyunal ken teritoryal a pagkalapan.

Kabayatanna, kinundenar ni Maza ken ti Makabayan ti panaggangandat ti rehimen Marcos, babaen ti NTF-Elcac a lapdan ti deklarasyon ni Maza. Linipit ti NTF-Elcac dagiti residente ti komunidad idiay North Caloocan nga orihinal a benyu ti pangmasa a miting na, isu a kasapulan nga iyakar da ti benyu.

Panawagan ti Makabayan a suportaran ti kandidatura da Maza ken Arambulo, kasta met ti tallo nga immunan a nagdeklara a kandidato ditoy a da Rep. France Canstro ti ACT Teachers Party, Rep. Arlene Brosas ti Gabriela Women’s Pary, ken Jerome Adonis ti Kilusang Mayo Uno.