Walag-too ang pagmakmak sa “deklarasyon sa kooperasyon” sa University of the Philippines (UP) ug Armed Forces of the Philippines (AFP) nga gipirmahan niadtong Agosto 8. Dakung pagyatak kini sa akademikong kagawasan, matud sa mga kritiko.

Ang pagsulod sa unibersidad sa maong kasabutan magtukmod sa UP nga mahimong kakunsaba sa kaylap nga mga paglapas sa tawhanong katungod ug pulitikanhong pagpanumpo nga ginahimo sa AFP, matud sa mga nagasupak dinhi. Ginahimo niining lehitimo ang kasamtangang pagpanumpo sa kritikal nga mga tingog ug progresibong inisyatiba sulod sa unibersidad nga ginaakusahan sa AFP nga “hulga sa nasudnong seguridad.”

Panalipdan ang UP. Gilunsad sa mga estudyante sa UP-Diliman ang ‘First Day Fight” niadtong Agosto 20 aron kundenahon ang daghang kapalpakan sa administrasyon sa unibersidad. Gibatukan usab nila ang pagkibhang sa badyet sa edukasyon ug komersyalisasyon sa mga espasyo ug serbisyo sa unibersidad. Gisalikway nila ang interbensyon sa pulis ug militar sa mga kampus niini. Gihimo usab ang susamang mga protesta sa uban pang kampus sa UP sa Bagiuo, Manila, Laguna, Davao, Cebu ug Iloilo niining milabayng mga semana.