Gibulabog sa mga Pulang manggugubat sa Bagong Hukbong Bayan (BHB)-Masbate (Jose Rapsing Command) ang mga sundalo sa Armed Forces of the Philippines (AFP) sa magkasunod nga operayong haras sa duha ka magkabulag nga kampo militar sa lungsod sa Milagros, Masbate niadtong Agosto 10. Giigo sa BHB-Masbate ang kampo sa 93rd Division Reconnaissance Company sa Sityo San Jose, Barangay Hamorawon ug kampo sa 2nd IB sa Barangay San Antonio sa alas-9 sa gabii.

Matud sa yunit, kabahin kini sa pagpakita sa ilang pagkundena sa ginahimong Pacific Partnership 2024-2 (PP24-2) “humanitarian mission” sa mga tropang Amerikano ug Pilipino sa Legazpi City, Albay sa rehiyong Bicol gikan Agosto 1 hangtud 14.

Sa North Central Mindanao, dili moubos sa unum ka mga sundalo sa AFP ang napatay sa pag-atake ug aktibong depensa sa BHB niadtong Marso ug Hulyo. Samtang, 12 ka sundalo usab ang natahong samaron sa maong mga armadong aksyon.

Sa Bukidnon, gipabuthan sa BHB ang nag-operasyong tropa sa AFP sa Barangay Manalog, Malaybalay City niadtong Hulyo 5. Samtang niadtong Marso 6, nakaunang magpabuto ang BHB batok sa nangatakeng mga sundalo sa Barangay Indalasa. Nakadepensa usab ang BHB niadtong Marso 18 sa buntag sa Barangay Dominorog, Talakag.

Sa Lanao del Sur, napakyas sa BHB ang pag-atake sa AFP sa utlanan sa lungsod sa Maguing ug Bumbaran niadtong Marso 11.