Binulabog dagiti Nalabbaga a mannakigubat ti New People’s Army (NPA)-Masbate (Jose Rapsing Command) dagiti soldado ti Armed Forces of the Philippines (AFP) iti agsaruno nga operasyon a haras iti dua nga agsina a kampo militar iti ili ti Milagros, Masbate idi Agosto 10. Pinuntaan ti NPA-Masbate ti kampo ti 93rd Division Reconnaissance Company iti Sityo San Jose, Barangay Hamorawon ken kampo ti 2nd IB iti Barangay San Antonio alas-9 ti rabii.

Segun iti yunit, paset daytoy ti panangipakita ti panangkundenar da iti maar-aramid a Pacific Partnership 2024-2 (PP24-2) “humanitarian mission” dagiti tropa nga Amerikano ken Pilipino idiay Legazpi City, Albay iti rehiyon ti Bicol manipud Agosto 1 agingga 14.

Idiay North Central Mindanao, saan a bumaba iti innem a soldado ti AFP ti napapatay iti panagraut ken aktibo a depensa ti NPA idi Marso ken Hulyo. Kabayatanna, 12 a soldado met ti naimaldit a nasugatan kadagitoy nga armado nga aksyon.

Idiay Bukidnon, pinaputukan ti NPA ti agop-operasyon a tropa ti AFP iti Barangay Manalog, Malaybalay City idi Hulyo 5. Kabayatananna idi Marso 6, immuna a nakapagpaputok ti NPA laban kadagiti umat-atake a soldado iti Barangay Indalasa. Nakadepensa met ti NPA idi bigat ti Marso 18 iti Barangay Dominorog, Talakag.

Idiay Lanao del Sur, pinaay ti NPA ti panagraut ti AFP iti nagbeddengan ti ili ti Maguing ken Bumbaran idi Marso 11.