Pinapatay dagiti soldado ti Armed Forces of the Philippines (AFP) ti tallo a sibilyan idiay Negros Occidental ken Masbate kadagiti naglabas a lawas. Ti Negros Occidental ken Masbate ti umuna ken maikadua iti kaadoan ti naisurat a biktima ti panangpapatay iti sidong ti rehimen a Marcos.

Idi Agosto 22, brutal a pinapatay ti 94th IB ti agassawa a sibilyan a da Marvin Incancion, 37, ken Jolina Martinez, 27, iti kalapaw da idiay Sityo Pisok, Barangay Buenavista, Himamaylan City, Negros Occidental. Natay da iti punta ti paltog iti ulo. Agarop saanen a mabigbig ti rupa ni Martinez gapo ti karo ti pannakapaltog.

Idi Setyembre 1, pinapatay ti 2nd IB ti 30-anyos a mannalon a ni Tata Bacutin idiay Barangay Pili, Placer, Masbate idi manarimaan ti panagdalapos ti Bagyo nga Enteng. Isuna ti maika-33 a biktima ti pangpolitika a pammapatay iti probinsya.

Parparuaren da a Nalabaga a mannakigubat a natay iti engkwentro dagiti biktima.

Blokeyo iti taraon. Nalabes a bisin ken perwisyo ti it-ited ti manon a lawas a blokeyo iti taraon ti 80th IB ken 70th IB iti uppat a sityo ti Barangay Umiray, General Nakar, Quezon. Laplapdan dagiti soldado dagiti sako ti bagas ken dadduma pay a taraon para kadagiti tiendaan kadagiti makuna a sityo gapo iti awan-basaran a pammabasol a dagidiay ket para iti New People’s Army.

Panagaresto. Dinukot dagiti pulis ken militar ken indarom iti ar-aramid a kaso a kriminal da Cirila Estrada, sigud a balud pulitikal, ken Victor Pelayo idiay Capiz idi Agosto 29. Saan ida a dagus nga inlung-aw ken nasarakan laeng dagiti grupo iti karbengan-tao ken kabagian iti istasyon ti pulis idiay Roxas City kalpasan ti dua nga aldaw.

Idiay Quezon, iligal nga inaresto dagiti pulis ti agniniog a ni Roberto Mendoza idi Setyembre 1 idiay Barangay Silongin, San Francisco. Ni Mendoza ket ama ti tagasalaknib ti karbengan-tao a ni Lieshel Mendoza a liplipiten ti 85th IB. Dinadael met dagiti pulis ti diding ti kalapaw na kalpasan daytoy a sukainan.

Pananglipit. Iligal nga innala dagiti soldado ti 3rd Civil-Military Operations Battalion ti 3rd ID dagiti nagan dagiti kameng ken opisyal ti Asosasyon sang Magagmay nga Mangingisda sa Santiago idiay Barangay Santiago, Barotac Viejo, Iloilo idi Agosto 18. Idiay Manila, naireport iti barangay ni Enrique Lozada Jr (Teng), tagapagsarita ti Bayan-Manila, idi Agosto 19 ti sarbeylans ti pulis kenkuana.