Nagduduma a tipo ti aktibidad ti inrussuat dagiti bunggoy ti Friends of the Filipino People in Struggle (FFPS) idiay Asia, Australia, Europe ken North America tapno iwaragawag ti pannakikaykaysa da iti rebolusyon a Pilipino ken panangiyayab ti suporta para kadaytoy. Insayangkat da dagiti panagtignay idi Agosto 26.

Idiay US, inrussuat dagiti kameng ti grupo dagiti koordinado a diskusyon ken militante a demonstrasyon idiay Baltimore, Portland, Seattle, Los Angeles, New York, San Francisco ken Orange County. Laksid kadaytoy, naibangon met iti pagilian ti dua kabarbaro a kameng nga organisasyon a Tanod Lupa ken Guerrero. Adda met dagiti aktibidad idiay Canada, The Netherlands, Finland, France, Germany, Spain, Switzerland, Denmark, Greece, Austria ken sadiay United Kingdom. Sadiay Mexico, pinullo nga aktibista ti nagu ummong iti plasa idiay Oaxaca tapno ag programa.