Idiay Bacolod, nangisayangkat ti sorpresa a panagtignay ti United Negros Transport Coalition (UNTC) iti uneg ti city hall ti Bacolod City idi Agosto 28 tapno makidayalogo kuma iti meyor maipanggep iti panangpasardeng iti makaganggannaet a PUVMP (itatta ket PTMP). Sinango ida ti sanggunian a nangiruar ti resolusyon tapno kiddawen iti LTFRB nga isanod ti programa ken isubli dagiti indibidwal a prangkisa kalpasan ida a dinggen.

Idi Setyembre 2-3, nagpiket iti opisina ti LTFRB Region 6 ti UNTC, kakuyog dagiti grupo ti drayber idiay Panay. Intulod ti grupo ti resolusyon iti lokal a gobyerno ti Bacolod City tapno iduron ti ahensya a mangaramid ti addang.

Kabayatan na, insumite ti Piston idi Agosto 28 ti maysa a petisyon nga adda pirma ti 1,000 a drayber a mayat nga umatras kadagiti konsolidado a prangkisa a pwersado da a sinerrek.