Nagprotesta dagiti progresibo nga organisasyon idiay Bicol idi Agosto 14 idiay Legazpi City tapno tubngaren ti presensya a militar ti imperyalismo nga US iti syudad. Inrussuat da ti panagtignay iti maudi nga aldaw ti “humanitarian mission” ti US iti sidong ti Pacific Partnership 2024-2 a nangrugi idi Agosto 1.

Iti panangiyuna ti Bagong Alyansang Makabayan (Bayan)-Bicol, nagpiket dagiti myembro ken alyado nga organisasyon na iti sango ti Marison Hotel idiay Barangay 38-Cogon no sadino a nagnaed ti sumagmamano kadagiti Amerikano a soldado. Kasaruno na ti maysa a misa idiay Albay Redemptorist Church, asideg iti makuna nga hotel.

Sigun ken ni Bayan-Bicol Chairperson Jen Nagrampa, insayangkat da ti protesta tapno irehistro ti panagsuppiat dagiti makabayan a Bicolano kadagiti aktibidad militar ti US iti rehiyon ken uray iti intero a pagilian. “Iti panangiyuna ti US Indo-Pacific Command, daytoy a “humanitarian mission” na ket smokescreen (pangkalub) iti operasyon a kombat,” kuna ti grupo.