Impeach Sara, ginpanawagan. Nagpiket sa atubang sang Kongreso sadtong Septyembre 23 ang mga grupo nga pungsodnon-demokratiko para ipanawagan ang pagkakas kay Sara Duterte bilang bise presidente. Suno sa Bayan, nagakadapat na nga pahalinon si Duterte tuga sang maanomalya niya nga pag-gasto sa confidential kag intelligence funds nga ginhatag sa iya nga upisina sadtong nagligad nga mga tuig. Suno diri, makabig ini nga “betrayal of public trust” nga mahimo basehan para magpasaka sang impeachment complaint batuk sa iya sa Kongreso.

2-adlaw nga untat-byahe batuk sa jeepney phaseout, madinalag-on. Madinalag-on nga ginlunsar sang mga grupo nga Piston kag Manibela ang duha ka adlaw nga untat-byahe sadtong Septyembre 23-24 batuk sa jeepney phaseout kag para sa pagbalik sang indibidwal nga prangkisa. Naglab-ot sa 90% ang pagkaparalisa sa mga mayor nga ruta sa Metro Manila sa duha ka sundanay nga adlaw. Gintukod sang mga hugpong sang drayber kag opereytor ang 11 ka sentro sang welga kag protesta sa nasambit nga adlaw.

May yara man sang kadungan nga untat-byahe kag protesta ang mga grupo sa Calabarzon, Baguio, Bicol, Negros, Panay kag iban pa nga mag rehiyon. Nagapanawagan ang mga lokal nga asosasyon sa tagsa nila ka lokal nga gubyerno kag ahensya nga ibasura ang mga local public transport route plan nga lokal nga bersyon sang PTMP.