Naglunsad og mga kalihukan ang nagkalain-laing yunit sa Bagong Hukbong Bayan (BHB) ug rebolusyonaryong masa sa kabanikanhan, mga baryo, ug kasyudaran sa nasud aron ipahigayon ang ika-56 nga anibersaryo sa Partido Komunista ng Pilipinas (PKP).

Sa Maynila, nagtapok ang mga alyadong organisasyon sa National Democratic Front (NDF)-Metro Manila niadtong Disyembre 23, 2024 sa Recto Avenue aron isaulog ang anibersaryo sa PKP. Sa martsa, nanawagan sila sa mga Pilipino nga iasdang ang nasunon-demokratikong rebolusyon taliwala sa nagkagrabeng kalisud ug panagbangi sa pulitika sa mga nagharing hut-ong.

Sa Rizal, gilunsad sa NDF-Rizal ang Oplan-Sabit ug Oplan-Dikit sa pagsugod sa 2025. Tataw ang mabulukon ug maanyag nga mga balatenggang nagsaulog sa anibersaryo sa Partido nga gisab-it sa populisadong sentro sa Antipolo City. Gikasa usab nila ang daghang pagpamikit og mga istiker ug nanghatag og polyeto kalabot sa BHB.

Gipaabot usab sa nasudnong liderato sa Compatriots, Katipunan ng mga Gurong Makabayan, ug Makabayang Kilusan ng Bagong Kababaihan ang ilang pagtimbaya sa Partido. Gikan sa internasyunal nga mga partido ug mga higala sa PKP, nagpahayag na og pagtimbaya ang Communist Party of Australia (Marxist-Leninist), “Serve the People” (Vietnam), Anti-Imperialist Action Ireland, Communist Party of Canada (Marxist-Leninist), Friends of the Filipino People in Struggle, ug mga balangay niini gikan sa nagkalain-laing bahin sa kalibutan.