Nanawagan ang Partido Komunista ng Pilipinas (PKP) sa katawhang Pilipino nga hugot nga batukan ang paglawig sa US Carrier Strike Group (CSG) One sa Surigao Strait sa tunga-tunga sa Leyte ug Mindanao niadtong katapusang semana sa Disyembre 2024. Garapal ang ilang pagtabok sa soberanong kadagatang sakop sa Pilipinas gikan sa Pacific Ocean padulong sa West Philippine Sea.

Ang pormasyong nabal sa US, nga pinangulohan sa USS Carl Vinson aircraft carrier, usa ka halimaw iggugubat nga adunay kapasidad nga magdala og dagkung nukleyar nga arsenal. Dala niini ang tulo pa ka barkong iggugubat.

Samtang, dayag nga pagpakaitoy sa imperyalistang US ang pag-anunsyo sa AFP ug Department of National Defense nga nagplano silang mopalit og Typhon Mid-range Capability (MRC) missile system gikan sa US. Niadtong Abril 2024, nagbutang ang US og Typhon missile sa amihanang bahin sa Luzon nga gigamit sa Balikatan war games. Wala pa gihapon kini gikuha.

Human niini, subling gisugyot ni Surigao del Norte 2nd District Rep. Robert Ace Barbers niadtong Enero 2 ang pagbutang og Enhanced Defense Cooperation Agreement site sa iyang prubinsya. Matud niya, kinahanglan kini sa prubinsya tungod kay “bulnerable ang sidlakang bahin sa nasud sa mga ismagler ug langyawng interbensyon.”

Matud ni Marco Valbuena, upisyal sa impormasyon sa Partido, grabe ang pagpakaitoy ni Marcos ngadto sa imperyalistang among US sa paglapas ang soberanya sa Pilipinas. “Gipakita niini kung paunsa gigamit ang nasud isip usa ka lunsaranan sa mga operasyon sa US pinaagi sa pagpakita og gahum sa Pasipiko ug isip itoy pagpakusog sa inter-imperyalistang tensyon,” matud niya.