Mahugot nga ginkundena han mga grupo han parupangisda an pagpabor han Korte Suprema ha petisyon han usa nga kompaniya nga ig-abre an municipal waters ha pandambong han dako nga komersyal nga pangisda. An municipal waters amo an lupgop nga 15 kakilometro tikang ha ligid han dagat.

Sigon ha Pamalakaya, hihibangon hini nga desisyon an pakabuhian han aada ha 2 kamilyon nga parupangisda. Diri akos makigkumpitensya han gudti nga parupangisda nga nagamit hin kadaan ngan manwal nga mga pamaagi han pagdakop han isda ha mga abante, ngan kasagaran mapanhibang nga mga higamit ngan teknolohiya han komersyal nga parupangisda, sering hini.

Tungod ha abante nga higamit, madagmit nga nauubos han dagko nga barko nga pangisda an ngatanan nga klase han karikuhan-ha-dagat.