Nainget a kinundenar dagiti grupo ti mangngalap ti pananganamong ti Korte Suprema iti petisyon ti maysa a kumpanya nga ilukat ti municipal waters iti panaggamgam ti dakkel a komersyal a pagkalap. Ti municipal waters ket kabaybayan a saklaw ti 15 kilometro manipud iti igid-baybay.

Segun iti Pamalakaya, dadaelen daytoy a desisyon ti pagbiagan ti adda iti 2 milyon a mangngalap. Saan a kabaelan a makipagkumpetisyon dagiti babassit a mangngalap nga agus-usar ti tradisyunal ken manwal a pamuspusan ti panagkalap kadagiti abante, ken masansan ket makaperdi a ramramit ken teknolohiya ti komersyal a mangngalap, kuna daytoy.

Gapu iti abante a ramramit, napaspas nga ib-ibusen ti dadakkel a barko a pagkalap ti amin a klase ti gameng ti baybay.