Hugot nga ginpakamalaot sang mga grupo sang mangingisda ang pagdampig sang Korte Suprema sa petisyon sang isa ka kumpanya nga ibukas ang municipal waters sa paghugakom sang dako nga komersyal nga pangisda. Ang municipal waters ang kadagatan nga sakop sang 15 kilometro halin sa baybayon.

Suno sa Pamalakaya, paga-gub-on sang desisyon nga ini ang palangabuhian sang yara sa 2 ka milyon nga mangingisda. Indi masarangan nga makigkompetisyon sang gagmay nga mga mangingisda nga nagagamit lang sang tradisyunal kag manwal nga mga pamaagi sang pagdakop sang isda sa mga abante, kag kalabanan mapanghalit, nga mga kagamitan kag teknolohiya sang komersyal nga mangingisda, suno diri.

Tungod sa abante nga kagamitan, madasig nga nagakaubos sang dalagko nga barko pangisda ang tanan klase sang manggad sa dagat.