Nagpanawagan ang Partido Komunista ng Pilipinas (PKP) sa pumuluyong Pilipino nga hugot nga pamatukan ang pagpalawod sang US Carrier Strike Group (CSG) One sa Surigao Strait sa tunga sang Leyte kag Mindanao sadtong ulihi nga semana sang Disyembre 2024. Garapal ang ginhimo nga pagtabok sini sa soberano nga kadagatan nga sakop sang Pilipinas halin Pacific Ocean padulong West Philippine Sea.

Ang pormasyon nabal sang US, nga ginpangunahan sang USS Carl Vinson aircraft carrier, ang isa ka monster pang-gyera nga may ikasarang nga magdala sang isa ka dako nga nukleyar nga arsenal. Dala sini ang tatlo pa ka barko pang-gyera.

Samtang, direkta nga pagpakatuta sa imperyalistang US ang pag-anunsyo sang AFP kag Department of National Defense nga nagaplano nga magbakal sang Typhon Mid-range Capability (MRC) missile system halin sa US. Sadtong Abril 2024, nagpwesto ang US sang Typhon missile sa naaminhan nga bahin sang Luzon nga gingamit sa Balikatan war games. Wala pa ini sa gihapon ginkuha.

Pagkatapos sini, liwat nga ginduso ni Surigao del Norte 2nd District Rep. Robert Ace Barbers sadtong Enero 2 nga magbutang sang Enhanced Defense Cooperation Agreement site sa iya nga prubinsya. Suno sa iya, kinahanglan ini sa iya prubinsya tungod “bulnerable ang nasidlakan nga bahin sang pungsod sa mga ismagler kag dumuluong nga pagpasilabot.”

Suno kay Marco Valbuena, upisyal sa impormasyon sang Partido, sobra na ang pagpakatuta ni Marcos sa imperyalista nga among US sa pagpakigkunsabo sa paglapak sa soberaniya sang Pilipinas. “Ginapakita sini kung paano ginagamit ang pungsod bilang isa ka lunsaran sang mga operasyon sang US sa pagpakita sang kusog sa Pasipiko kag bilang tinawo sa ginahimo sang US nga pagpabaskog sang inter-imperyalista nga tensyon,” suno sa iya.