Nagtapok ang mga grupo alang sa tawhanong katungod ug paryente sa mga rebolusyonaryong martir niadtong Abril 12 sa Bantayog ng mga Bayani sa Quezon City aron parangalan ang kabayanihon ug paghalad og kinabuhi sa mga rebolusyonaryo alang sa nasudnon-demokratikong pangandoy sa katawhan. Gipangunahan sa Hustisya! (Pagkakaisa ng mga Biktima para sa Hustisya) ang aktibidad nga may temang “Kagitingan ug Paglaban: Parangal para sa mga Pinatay na Hors de Combat at Rebolusyonaryong Martir.”

Giparangalan sa panagtapok ang mga namartir nga lider sa Partido Komunista ng Pilipinas, mga Pulang kumander ug manggugubat sa Bagong Hukbong Bayan (BHB), mga upisyal sa National Democratic Front of the Philippines (NDFP), ug nanawagan og hustisya alang sa mga hors de combat nga manggugubat sa BHB nga gipatay sa Armed Forces of the Philippines.

Matud sa Hustisya, nahimong okasyon usab kini aron subling palig-onon ang pagpanalipud sa katungod sa katawhan sa kaugalingong paghukum ug pagduso nga ang pagsukol sa katawhan usa ka makatarunganong katuyuan.