Nagtirok an mga grupo ha tawhanon nga katungod ngan kaurupdan han mga rebolusyunaryo nga martir hadton Abril 12 ha Bantayog ng mga Bayani ha Quezon City agud pasidunggan an kamabayanihon ngan paghahalad han kinabuhi han mga rebolusyunaryo para ha nasyunal-demokratiko nga kawsa han katawhan. Ginpangunahan han Hustisya! (Pagkakaisa ng mga Biktima para sa Hustisya) an aktibidad nga may tema nga “Kamabayanihon ngan Pag-ato: Pasidungog para ha mga Ginpatay nga Hors de Combat ngan Rebolusyunaryo nga Martir.”

Ginpasidunggan ha katitirok an mga namartir nga lider han Partido Komunista ng Pilipinas, mga Pula nga kumander ngan mangaraway han Bagong Hukbong Bayan (BHB), mga upisyal han National Democratic Front of the Philippines (NDFP), ngan nanawagan han hustisya para ha mga hors de combat nga mangaraway han BHB nga ginpatay han Armed Forces of the Philippines.

Sigon ha Hustsiya, nagin okasyon liwat ini agud utro nga padig- unon an pag-undong ha katungod han katawhan ha kalugaringon nga pagdedesisyon ngan dun-an nga an pag-aalsa han katawhan usa nga makatadungan nga kawsa.