Panindugan kontra ha pagmimina. Ha usa nga porum ha Tabuk City, Kalinga hadton Abril 12, nagpahayag hin pagtipa an masobra 100 nga katawhan kontra ha namamangpangan nga pagmimina han Makilala Mining Company Incorporated (MMCI) ha ira bungto. Lulupgupon han MMCI an tulo nga lugar ha Pasil, Kalinga – an Maalinao, Caigutan ngan Biyog – nga lupgop han ansestral nga katunaan han Tribu Balatoc ngan mga parte han Guinaang. Diri pala maiha, gintagan an MMCI han rehimen Marcos hin pondo tikang ha Maharlika Fund agud idayon ini nga mapanhibang nga mga proyekto.

Kalbaryo han katawhan an rehimen Marcos. Naglansar han paggios hirani ha Mendaiola an mga kablas-ha-syudad ha pangunguna han Kadamay nga gintawag hini nga “Kalbaryo han Katawhan” hadton Abril 16. Kaupod han grupo an mga pamilya han mga biktima han ekstra-hudisyal nga panmatay ha ilarum han naglabay nga administrasyon Duterte ngan mga kablas nga nahiagum han demolisyon han ira mga puruy-anan, mga kabatan-unan ngan trabahador. Naglansar han kapareho nga paggios ha pareho nga adlaw an Kadamay-Negros, mga grupo han kablas, parupangisda ngan parag-uma ha Bacolod City.

Dalagan kontra ha Pangabuso. Naglansar han “Takbo Babae 2025” o an pagdalagan kontra ha pangabuso an Gabriela Women’s Party ha sakob han kampus han University of the Philippines-Diliman hadton Abril 13. Sigon ha GWP, an ira paggios, pagpapakita han panindugan “kontra ha pandarahug nga nakabasar ha tawoa.” Gatus-gatos an pinartisipar kaupod an mga kilalado nga personalidad sugad han mga artista nga hira Barbie Forteza ngan Ryza Cenon, ngan Miss Globe runner-up nga hi Rowee Lucero.

Itom kontra ha dugang-sukot ha matrikula. Naglansar hin gios protesta an mga estudyante ngan membro han Anakbayan-Adamson University hadton Abril 11. Nagsul-ot hira hin itom nga bado agud tagan duon an ira pagtipa ha plano nga 5% dugang nga matrikula ha unibersidad para ha akademiko nga tuig 2025-2026. Katugbang hini an kadugangan nga ₱2,500 ha matrikula. Hadton 2022 urhi nga nag-imponer hin dugang nga matrikula an unibersidad nga inabot ha 5.8%.