Naigo sang Bagong Hukbong Bayan (BHB)-North Quezon sa isa ka engkwentro ang naga-operasyon nga tropa sang 80th IB sadtong Abril 16 sa Barangay Tanauan, Real, Quezon. Ang yunit sang 80th IB nga naka-engkwentro sang hukbo sang banwa nagaserbe nga protektor sang mapangwasak nga higante nga proyekto nga Real Wind Energy Project (RWEP) sang ACEN Corporation sang Ayala Corporation.

Tatlo naman ang nangin kaswalti sang AFP sa isa ka engkwentro sang BHB-Quezon (Apolonio Mendoza Command) batuk sa naga-operasyon nga tropa sang Philippine Army sa Barangay Mabini, Lopez sadtong Abril 6, alas-10 sang aga.

Samtang, isa ang napatay kag apat ang napilasan nga soldado sang AFP sa maisog nga depensa sang isa ka yunit sang BHB-Batangas (Eduardo Dagli Command) batuk sa ambus sang 59th IB sadtong Abril 2 sa Barangay San Isidro, Rosario, Batangas.