Nadisnog ti New People’s Army (NPA)- North Quezon iti maysa nga engkwentro ti agop-operasyon a tropa ti 80th IB idi Abril 16 idiay Barangay Tanauan, Real, Quezon. Ti yunit ti 80th IB a naka-engkwentro ti hukbo ti umili ket agserserbi a protektor ti managdadael a higante a proyekto a Real Wind Energy Project (RWEP) ti ACEN Corporation ti Ayala Corporation.

Tallo met ti nagbalin a kaswalti ti AFP iti maysa nga engkwentro ti NPA-Quezon (Apolonio Mendoza Command) laban iti agop-operasyon a tropa ti Philippine Army idiay Barangay Mabini, Lopez idi Abril 6, alas-10 ti agsapa.

Kabayatanna, maysa ti napapatay ken uppat ti nadunor a soldado ti AFP iti nabanwar a depensa ti maysa a yunit ti NPA-Batangas (Eduardo Dagli Command) laban iti ambus ti 59th IB idi Abril 2 iti Barangay San Isidro, Rosario, Batangas.