Nag-ululupod ang mga grupo sa tawhanon nga kinamatarung kag himata sang mga rebolusyonaryong martir sadtong Abril 12 sa Bantayog ng mga Bayani sa Quezon City agud pasidunggan ang pagkabaganihan kag paghalad sang kabuhi sang mga rebolusyonaryo para sa pungsodnon-demokratiko nga kawsa sang pumuluyo. Ginpangunahan sang Hustisya! (Paghiliusa sang mga Biktima para sa Hustisya) ang aktibidad nga may tema nga “Pagkabaganihan kag Pakig-away: Pasidungog para sa mga Ginpatay nga Hors de Combat kag Rebolusyonaryong Martir.”

Ginpasidunggan sa pagtipon ang mga napatay nga lider sang Partido Komunista ng Pilipinas, mga Pulang kumander kag hangaway sang Bagong Hukbong Bayan (BHB), mga opisyal sang National Democratic Front of the Philippines (NDFP), kag nagpanawagan sang hustisya para sa mga hors de combat nga hangaway sang BHB nga ginpatay sang Armed Forces of the Philippines.

Suno sa Hustisya, nangin okasyon man ini para liwat palig-unon ang pagtib-ong sang kinamatarung sang pumuluyo sa kaugalingon nga pagbuot kag pagduon nga ang pagrebolusyon sang pumuluyo isa ka makatarungan nga kawsa.