Gindakop kag hungod nga ginpatay sang mga soldado sang 62nd IB si Tony Pahayahay (Ka Pidol), Pulang hangaway sang BHB-Central Negros sadtong Mayo 1 sa Barangay Humay-humay, Guihulngan City, Negros Oriental. Napilasan sa engkwentro si Pahayahay kag gindakop isa ka kilometro ang kalayuon halin sa natabuan sang inaway. Samtang, isa pa ka pilason nga Pulang hangaway ang gindakop kag wala pa ginpatuhaw sang mga soldado.

Sa iban nga bahin sang pungsod, tayuyon ang mga paglapas sa tawhanon nga kinamatarung.

Pag-aresto. Gin-aresto sang mga pulis ang 10 ka residente kag tumandok nga Mulbog sa Sityo Marihangin sa Barangay Bugsuk, Balabac, Palawan sadtong Mayo 15. Ginapamatukan sang mga tumandok ang San Miguel Corporation sa pag-angkon sang ila duta agud tukuran sang resort nga nagasakop sa masobra 5,500 ektarya.

Militarisasyon. Halin pa Marso nakapaidalum ang pila ka mga barangay gikan sa banwa sang Baleno kag Masbate City sa RCSP. Suno sa PKM-Masbate, ginakontrol sang mga militar ang kada hulag sang mga residente kag ginatalanaan sang kadamuon sang pagkaon nga pwede lang ikonsumo. Hayagan man nga ginakawat sang militar ang ila mga sinagod nga sapat.

Red-tagging. Duha ka lider-estudyante halin sa UP Cebu ang nag-atras sang kandidatura para sa eleksyon sang mga naga-eskwela sa kampus sining Mayo tungod sa grabe nga Red-tagging. Siling nila, grabe nga kahadlok ang naagihan sang duha ka kandidato kag sang ila mga pamilya pagkatapos nga nag-guwa sa social media ang ila litrato kag ngalan nga gina-imbolbar sa armadong rebolusyonaryong kahublagan.