Intrumento ang SPDA sa mapanumpo nga gyera “kontra-insurhensya” gamit ang tabon sang “kauswagan sa ekonomiya.” Gintukod ini sadtong 1975 bilang kabahin sang pakete sang “pagsurender” sang mga rebolusyonaryong pwersa sang Moro National Liberation Front sang nagligad. Sadtong 1980, gintukod sini ang Kapatiran Agro-Industrial Cooperative Settlement Project sa mga banwa sang Wao kag Bumbaran/Amai Manabilang.

Nangin kabahin man ang SPDA sa Comprehensive Agreement on the Bangsamoro (CAB) nga ginpirmahan sadtong 2014. Ang kasugtanan nga ini resulta sang pila ka dekada nga hinun-anon pangkalinong nga nagtapos sa pagsurender sang Moro Islamic Liberation Front kag pagbuhi sang ila armas. Isa sa mga kontrobersyal nga probisyon sang CAB ang “wealth sharing” sa tunga sang igatukod nga parlyamento sang Bangsamoro kag pungsodnon nga gubyerno. Naga-agi diri ang mga kontrata kag kasugtanan sa tunga sang mga opisyal nga Moro, pungsodnon nga gobyerno kag mga dumuluong nga korporasyon.

Sa subong, ginapamunuan ang SPDA ni Abdulghani A. Salapuddin, anay tiglawas sang Basilan, kag anay hangaway sang MNLF.