60-adlaw Lakbayan halin Zamboanga. Naglunsar sang 60-adlaw nga martsa ang mga mangunguma, mangingisda kag tumandok nga pumuluyo halin sa lain-lain nga probinsya agud pamatukan ang pagpang-agaw sang duta kag katubigan, nga ila puluy-an kag ginahalinan sang palangabuhian. Nagsugod ini sadtong Marso 13 sa Zamboanga Sibugay kag nagtapos sa Metro Manila sadtong Mayo 10.

Pagsaludo sa mga mamumugon pang-ikaayong-lawas. Naglunsar sang gahod kag piket ang mga unyon sa idalum sang Alliance of Health Workers sadtong Mayo 7 bilang pagdumdom sa Adlaw sang mga Mamumugon Pang-ikaayong-lawas. Ang mga hublag mayor nga ginlunsar sa Metro Manila, samtang may yara man pagtililipon sa Baguio City sa pagpanguna sang Coalition of Health Workers’ Organizations in the Cordillera.

Pakigbatuan ang dredging. Ginpamatukan sang mga residente sang Barangay Silonay, Calapan City, Oriental Mindoro ang plano nga dredging sa baybayon sini kag katambi nga Barangay Maidlang. Ginpabutyag nila ang pagpamatuk sa ginapatigayon nga pangpubliko nga konsultasyon sadtong Mayo 9, sa suporta sang Mindoro Forum Network (MFN), Alyansa Laban sa Mina, kag mga upisyal sang barangay. Nag-abot sadtong Abril 29 ang mga dalagko nga trak sa bukana sang Silonay-Bucayao River para sa sand testing nga ginakahangawa sang mga residente.