Instrumento ang spda sa malupigong gubat sa “kontra-insurhensiya” sa takuban sa “kauswagan sa ekonomiya.” Gitukod kini niadtong 1975 isip kabahin sa pakete sa “pagsurender” sa mga rebolusyonaryong pwersa sa Moro National Liberation Front kaniadto. Niadtong 1980, gitukod niini ang Kapatiran Agro-Industrial Cooperative Settlement Project sa mga lungsod sa Wao ug Bumbaran (Amai Manabilang na karon).

Nahimong kabahin usab ang SPDA sa Comprehensive Agreement on the Bangsamoro (CAB) nga gipirmahan niadtong 2014. Ang maong kasabutan resulta sa pipila ka dekada nga pakignegosasyon sa kalinaw nga nagtapos sa pagsurender sa Moro Islamic Liberation Front ug pagtahan sa ilang mga armas. Usa sa mga kontrobersyal nga probisyon sa CAB mao ang “wealth sharing” tali sa pagatukurong parlamento sa Bangsamoro ug sa nasudnong gubyerno. Nagaagi dinhi ang mga kontrata ug kasabutan tali sa mga upisyal nga Moro, nasudnong gubyerno, ug mga langyawng korporasyon.

Karon, gipangulohan ang SPDA ni Abdulghani A. Salapuddin, kaniadto representante sa Basilan, ug kanhing manggugubat ng MNLF.