60 ka adlaw sa Lakbayan gikan sa Zamboanga. Naglunsad ang mga mag-uuma, mananagat, ug katutubong lumulupyo gikan sa lain-laing prubinsya og 60-ka adlaw nga martsa aron babagan ang pagpangilog sa yuta ug tubig nga ilang puy-anan ug gigikanan sa ilang panginabuhian. Nagsugod kini niadtong Marso 13 sa Zamboanga Sibugay ug natapos sa Metro Manila niadtong Mayo 10.

Pagsaludo sa mga mamumuong panglawas. Naglunsad ang mga unyon ilalum sa Alliance of Health Workers og kalampagan ug piket niadtong Mayo 7 isip paghinumdum sa Adlaw sa mga Mamumuo sa Panglawas. Ang mga protesta gisentro sa Metro Manila, samtang aduna usay panagtapok sa Baguio City nga gipangulohan sa Coalition of Health Workers’ Organizations sa Cordillera.

Batukan ang dredging. Gibabagan sa mga residente sa Barangay Silonay, Calapan City, Oriental Mindoro ang planong dredging sa ilang baybayon ug sa silingang Barangay Maidlang. Sa usa ka pampublikong konsultasyon niadtong Mayo 9, gipadayag nila ang ilang pagsupak uban sa suporta sa Mindoro Forum Network (MFN), Alyansa Laban sa Mina, ug mga upisyal sa barangay. Niabot ang dagkung trak sa sabangan sa Silonay-Bucayao River niadtong Abril 29 para sa sand testing nga gikabalak-an sa mga residente.