Instrumento ti SPDA iti managikuspil a gera ti “kontra-insurhensya” usar ti abbong ti “panagdur-as iti ekonomya.” Naitakder daytoy idi 1975 kas paset ti pakete ti “panagsurender” dagiti rebolusyonaryo a pwersa ti Moro National Liberation Front iti napalabas. Idi 1980, intakder daytoy ti Kapatiran Agro-Industrial Cooperative Settlement Project kadagiti ili ti Wao ken Bumbaran/Amai Manabilang.

Nagbalin met a paset ti SPDA iti Comprehensive Agreement on the Bangsamoro (CAB) a napirmaan idi 2014. Daytoy a katulagan ket resulta ti mano a dekada a saritaan iti kapya a nagleppas iti panagsurender ti Moro Islamic Liberation Front ken panangdis-arma kadagiti pwersa da. Maysa kadagiti kontrobersyal a probisyon ti CAB ti “panagbibingay iti kinabaknang” iti baet ti maitakder a parlamento ti Bangsamoro ken nailyan a gubyerno. Dumaldalan ditoy dagiti kontrata ken katulagan iti baet dagiti upisyal a Moro, nailyan a gubyerno ken dagiti gangannaet a korporasyon.

Iti agdama, ti SPDA ket idaduluan ni Abdulghani A. Salapuddin, sigud a mangibagi iti Basilan ken dati a mannakigubat ti MNLF.