Instrumento an SPDA ha mapanmuypoy nga gerra han “kontra-insurhensya” gamit an tahub han “kauswagan ha ekonomiya.” Igintindog ini hadton 1975 komo kaparte han pakete han “pagsurender” han mga rebolusyunaryo nga pwersa han Moro National Liberation Front ha nakalabay. Hadton 1980, igintindog hini an Kapatiran Agro-Industrial Cooperative Settlement Project ha mga bungto han Wao ngan Bumbaran/Amai Manabilang.

Nagin kaparte liwat an SPDA ha Comprehensive Agreement on the Bangsamoro (CAB) nga ginpirmahan hadton 2014. Ini nga kasarabutan resulta han pira kadekada nga pakig-erestorya pankamurayawan nga nahuman ha pagsurender ng Moro Islamic Liberation Front ngan pagtanggal ha serbisyo han ira armas. Usa ha mga kontrobersyal nga probisyon han CAB an “wealth sharing” (pagsaro ha karikuhan) giutan han tutukuron nga parlamento han Bangsamoro ngan nasyunal nga gubyerno. Naagi hini an mga kontrata ngan kasarabutan giutan han mga upisyal nga Moro, nasyunal nga gubyerno ngan mga langyaw nga koporasyon.

Ha presente, ginpapamunuan an SPDA ni Abdulghani A. Salapuddin, hadto anay tinaglawas han Basilan, ngan hadto anay mangaraway han MNLF.