60-kaadlaw nga Lakbayan tikang Zamboanga. Naglansar hin 60-kaadlaw nga martsa an mga parag-uma, parupangisda ngan minoriya nga katawhan tikang ha magkalain-lain nga prubinsya agud tipahan an panlupot han tuna ngan katubigan, nga ira puruy-anan ngan surok han pakabuhi. Nagtikang ini hadton Marso 13 ha Zamboanga Sibugay ngan nahuman ha Metro Manila hadton Mayo 10.

Pagsaludar ha mga trabahador pankalibsugan. Naglansar hin pagpakaradol ngan piket an mga unyon ha ilarum han Alliance of Health Workers hadton Mayo 7 komo pagsalin-urog ha Adlaw han mga Trabahador Pankalibsugan. Iginlansar an mga paggios prinsipal ha Metro Manila, samtang mayda gihap katitirok ha Baguio City ha pangunguna han Coalition of Health Workers’ Organizations in the Cordillera.

Atuhan an dredging. Gintipahan han mga residente han Barangay Silonay, Calapan City, Oriental Mindoro an plano nga dredging ha baybayon hini ngan amyaw nga Barangay Maidlang. Iginpahayag nira an pagtipa ha ginhimo nga pampubliko nga konsultasyon hadton Mayo 9, ha suporta han Mindoro Forum Network (MFN), Alyansa Laban sa Mina, ngan mga upisyal han barangay. Inabot hadton Abril 29 an dagko nga trak ha gibwangan han Silonay-Bucayao River para ha sand testing nga ginkakabarak-an han mga residente.