Pipila ka adlaw ayha ug human sa reaksyunaryong eleksyon niadtong Mayo 12, naglunsad og operasyon pinta-operasyon dikit (OP-OD) ang lain-laing organisasyong kaalyado sa National Democratic Front (NDF) aron ibutyag ang pagkadunot niini. Nag-unang mensahe sa mga OP-OD mao nga ang rebolusyon ang tinuod nga solusyon nga magdala sa tinuod nga katilingbanong kausaban sa nasud, dili ang reaksyunaryong eleksyon.

Tataw kaayo ang elektronikong pagpanikas ug uban pang matang sa anomalya aron paboran ang mga representante sa mga agalong yutaan, burgesyang kumprador, ug sa imperyalistang US. Labaw pang nabutyag sa bag-ong eleksyon ang pagkabangkarote ug pagkamini sa maong “demokratikong proseso.”

Nanawagan sila sa katawhan nga moadto sa kabanikanhan, mosampa sa Bagong Hukbong Bayan (BHB) ug iasdang ang gubat sa katawhan.

Gipasiugdahan ang mga aktibidad sa Kabataang Makabayan, Artista at Manunulat ng Sambayanan, Liga ng Agham para sa Bayan, Katipunan ng mga Samahang Manggagawa, ug panrehiyong balangay sa NDF. Gihimo nila kini sa Polytechnic University of the Philippines-Sta. Mesa, University of the Philippines (UP)-Los Baños, UP Manila, sa mga kalsada sa Manila, Baguio City, Rizal, ug Quezon.