Pila ka adlaw antes kag pagkatapos sang reaksyonaryong eleksyon sadtong Mayo 12, nagpatigayon sang operasyon pinta-operasyon dikit (OP-OD) ang lain-lain nga organisasyon nga alyado sang National Democratic Front (NDF) para ibuyagyag ang kagarukan sini. Nagapanguna nga mensahe sa mga OP-OD ang pagpatingkad nga ang rebolusyon ang matuod nga solusyon nga amo ang magadala sang matuod nga pagbag-o sosyal sa pungsod, indi ang reaksyonaryong eleksyon.

Tuman ka kitaon ang elektronikong pagpangdaya kag iban pa nga tipo sang anomaliya agud magpabor sa mga tiglawas sang mga agalon mayduta, burgesya kumprador kag sang imperyalistang US. Mas nga nabuyagyag sang bag-o lang natapos nga eleksyon ang pagkabangkarote kag pagka-peke sang amo nga “demokratiko nga proseso.”

Nagpanawagan sila sa pumuluyo nga magkadto sa kaumhan, magpatapo sa BHB kag isulong ang inaway banwa.

Ginlunsar ang mga aktibidad sang Kabataang Makabayan, Artista at Manunulat ng Sambayanan, Liga ng Agham para sa Bayan, Katipunan ng mga Samahang Manggagawa kag pangrehiyon nga tsapter sang NDF. Ginpatigayon nila ini sa Polytechnic University of the Philippines-Sta. Mesa, University of the Philippines (UP)-Los Baños, UP Manila, sa mga kalye sang Manila, Baguio City, Rizal kag Quezon.