Mano nga aldaw sakbay ken kalpasan ti reaksyunaryo nga eleksyon idi Mayo 12, nagiyaramid ti operasyon pinta-operasyon dikit (OP-OD) ti nadumaduma nga organisasyon nga alyado ti National Democratic Front (NDF) tapno ibunannag ti kinabulok daytoy. Kangrunaan a mensahe kadagiti OP-OD ti panangipalatak a rebolusyon ti pudno a solusyon a mangipaay ti pudno a panggimong a panagbalbaliw iti pagilyan, saan a ti reaksyunaryo nga eleksyon.

Nakaparparang ti elektroniko a panagsaur ken dadduma pay a tipo ti anomalya tapno pumabor kadagiti mangibagi kadagiti apo’t daga, burges kumprador ken ti imperyalista a US. Ad-adda nga inbunannag ti kalkalpas nga eleksyon ti kinabangkarote ken kina-ubbaw ti nasao a “demokratiko a proseso.”

Nagpanawagan da iti umili nga agturong iti kaaw-awayan, agkameng iti New People’s Army ken iyabante ti gubat ti umili.

Dagiti aktibidad ket insayangkat ti Kabataang Makabayan, Artista at Manunulat ng Sambayanan, Liga ng Agham para sa Bayan, Katipunan ng mga Samahang Manggagawa ken pangrehiyon a balangay ti NDF. Inyaramid da daytoy iti Polytechnic University of the Philippines-Sta. Mesa, University of the Philippines (UP)-Los Baños, UP Manila, kadagiti kalsada ti Manila, Baguio City, Rizal ken Quezon.