Pira kaadlaw antes ngan kahuman han reaksyunaryo nga eleksyon hadton Mayo 12, naghimo hin operasyon pinta-operasyon dikit (OP-OD) an magkalain-lain nga organisasyon nga alyado han National Democratic Front (NDF) para ibuksas an kadunutan hini. Prinsipal nga mensahe ha mga OP-OD an pagpalandaw nga an rebolusyon an tinuod nga solusyon nga amo an magdudurot han tinuod nga pankatilingban nga pagbabag-o ha nasud, diri an reaksyunaryo nga eleksyon.

Landaw kaupay an elektroniko nga panlimbong ngan iba pa nga tipo han anomaliya para pumabor ha mga tinaglawas han mga agaron maytuna, kumprador burgesya ngan han imperyalista nga US. Mas nabuksas han kahuhuman pala nga eleksyon an karat-an ngan pagin buwa han nasering nga “demokratiko nga proseso.”

Nanawagan hira ha katawhan nga kumadto ha kabaryuhan, umapi ha Bagong Hukbong Bayan (BHB) ngan ipasulong an gerra han katawhan.

Iginlansar an mga aktibidad han Kabataang Makabayan, Artista at Manunulat ng Sambayanan, Liga ng Agham para sa Bayan, Katipunan ng mga Samahang Manggagawa ngan panrehiyon nga tsapter han NDF. Iginhimo nira ini ha Polytechnic University of the Philippines-Sta. Mesa, University of the Philippines (UP)-Los Baños, UP Manila, ha mga kalsada han Manila, Baguio City, Rizal ngan Quezon.