Hustisya ti kalikagum dagiti kabagian ni Junjun Binoy, agtawen 24, a pinapatay ti 94th IB iti Sityo Bugtungan, Barangay Buenavista, Himamaylan City, Negros Occidental idi Hunyo 6. Ibagbaga ilablabed dagiti soldado a kameng isuna ti Baro a Buyot ti Umili (NPA) ken napapatay iti maysa nga armado a labanan.

Kabayatanna, tinortyur ken binugbog dagiti soldado ti ama ni Binoy nga ni Judy nga agtawen ti 59 a kakuyog na.

Iti Surigao del Sur, pinapatay dagiti elemento ti special forces ti militar ni Davie Ugking, agtawen iti 25, iti Km 9, Barangay Diatagon, Lianga idi Hunyo 6. Agawid ti biktima a naggapu iti trabaho na idi pagdiskitaan ti militar. Natortyur ni Ugking sakbay a pinapatay basar kadagiti lamma ken sugat ti bagi na.

Panangaresto. SadiayAgusan del Sur, siyam nga indibidwal ti inaresto dagiti pulis ken militar kabayatan iti biyahe ken pinasardeng iti maysa a checkpoint iti ili ti Bunawan idi rabii ti Hunyo 13. Dagiti inaresto ket isuda Charisse Bernadine Bales. Ronnie Igloria, Louvaine Erika Espina, Sinag Lugsi, Larry Montero, Daryl Man-Inday, Arjie Guino Dadizon, Grace Niknik Man-aning, at Leo Taba, karaman ti dua a drayber. Tiniliw da ida suda iti pammabasol ti naduma-duma a kaso a kriminal ken pagduduaan a kameng ti Baro a Buyot ti Umili (NPA).

Segun iti report, pwersaran a pinababa isuda kadagiti nagluganan da ken pinagdapa iti dua oras. Kalpasan daytoy, rinikisa dagiti aruaten ken lugan a no sadino ket nakinumpiska dagiti armas ken pangpasabog. Iti sumaruno nga aldaw, naireport a mapukpukaw ni Taba ken ti dua a drayber dagiti van a nagluganan da.

Idiay Bohol, inaresto ni Joemar Pogio, iti di nalawag a kaso ti pangkabuklan a sekretaryo ti Hugpong sa mga Mag-uumang Bol-anon (HUMABOL)-KMP iti pagtaengan na iti San Miguel idi Hunyo 8.

Demolisyon. Sadiay Bukidnon, baeten ti nairut a panangsupiat dagiti residente ket intuloy ti Central Mindanao University, katinnulong dagiti ginasut a pulis , iti naranggas a demolisyon kadagiti pagtaengan dagiti mannalon nga agnanaed iti Barangay Dologon Maramag idi Hunio 16, Dagiti residente ket kameng ti Buffalo-Tamaraw Limus Multi-Purpose Cooperative ken Musuan Inhabitants Landless Farmers Association.

Ginasut a pagtaengan ti rinakrakgapu iti demolisyon, a nagresulta iti 1,566 a mannalon a naawanan ti pagtaengan na. Lima a residente ti inaresto dagiti pulis kalpasan a nakipatang nga apitenda da pay dagiti mula a pagay.