Mahugot nga gintipahan han mga pamilya han biktima, abugado han tawhanon-nga-katungod, ngan progresibo nga organisasyon an apela para ha temporaryo nga pagpapagawas ha hadto anay presidente nga hi Rodrigo Duterte tikang ha pagkakapriso ha International Criminal Court (ICC) ha The Hague, The Netherlands. Sering nira, ini nga pitad hulga ha hustisya para ha yukut-yukot nga ginpatay ha ilarum han “war on drugs” ngan magpapakusog ha kultura han kawaray baratunon ha mga krimen kontra ha bug-os nga katawhan.

Gintagan-duon han mga biktima ngan pamilya han mga biktima nga delikado an apela tungod kay poyde gamiton ini han kampo ni Duterte agud hadlukon an mga nananawagan han hustisya.

Nanawagan hira ha ICC nga diri tugutan an apela. Sering nira, nagpapabilin nga poderoso ha pulitika an pamilya nga Duterte ha Pilipinas, ngan ngani padayon nga naungbaw an anak nga hi Sara Duterte nga padayon nga naungbaw ha luyo han kaso nga impeachment kontra ha iya.