Protesta sa ika-3 ka tuig ni Marcos. Nagmartsa niadtong Hunyo 30 padulong sa Mendiola sa Maynila ang mga nasudnon-demokratikong organisasyon aron batikuson ug singilon ang rehimeng Marcos sa okasyon sa ikatulo ka tuig niini sa poder. Gimakmak nila ang pagpakaitoy sa rehimen sa imperyalismong US, paantus nga mga palisiya, pasistang pagpanumpo ug inutil nga mga palisiya. Susamang protesta ang gilunsad sa Baguio City ug Iloilo City.

Piket kontra pagpanangtang sa SkyCable. Nagpiket ang SkyCable Supervisors, Professionals/Technical Employees Union (SSPTEU) niadtong Hunyo 24 atubangan sa kumpanya sa Quezon City aron babagan ang pagpanangtang sa SkyCable Corporation. Dili moubos sa 133 ka myembro sa unyon ang posibleng sipaon, gawas pa sa mga mamumuo nga dili myembro sa unyon.

Pagsupak sa demolisyon sa mga floating house sa Cavite. Nagprotesta ang mga mangingisdang sakop sa Pambansang Lakas ng Kilusang Mamamalakaya ng Pilipinas (Pamalakaya) sa baybay sa Bacoor City niadtong Huyo 24 aron babagan ang hulgang demolisyon sa ilang mga balay nga nakabarog sa dagat. Gibanabanang kapin 100 ka pamilya ang mapalayas sa demolisyon. Ang demolisyon kalabot sa planong 420-ektaryang reklamasyon nga proyekto sa Frabelle Fishing Corporation ug sa lokal nga gubyerno.