Mga kababayen-an, nagprotesta batok sa nagkagrabeng kagutom. Bitbit ang mga kaldero ug kalderin, gimakmak sa mga myembro sa Gabriela, Gabriela Women’ Party ug Amihan ang Department of Agriculture niadtong Hulyo 7 tungod sa nagkagrabeng kagutom nga nasinati sa katawhan. Gihisgutan nila ang bag-o lang nga sarbey sa Social Weather Stations, nga nagsulting usa sa matag lima ka pamilyang Pilipino, o 27.2% ang nakasinati og “involuntary hunger” o kagutom tungod sa kalisud, kabangis o pag-usab sa palibot.

Mga mamumuong pangpubliko alang sa dugang sweldo ug kasigurohan sa trabaho. Nagtigum ang mga empleyado, magtutudlo ug mamumuo sa panglawas sa pangpublikong sektor sa usa ka protesta niadtong Hulyo 11 sa Quezon City para ipanawagan sa rehimeng Marcos ang dugang sweldo ug kasiguruhan sa trabaho. Gilunsad nila ang protesta pipila ka semana ayha ang ika-4 nga State of the Nation Address ni Ferdinand Marcos isip pagduso sa dugay na nilang pangayo. Nag-una nilang panawagan ang pagtubag sa estado sa nagkaubos nga kalidad sa kinabuhi sa mga empleyado atubangan sa nagkataas nga implasyon.

Pagtukod sa Ahunan Dam, subling gibabagan sa mga Lagunense. Kapin usa ka libong residente sa Pakil, Laguna, uban ang mga organisasyon sa tawong-simbahan, kabatan-onan, mag-uuma, mangingisda, ug mga tigpanalipud sa kinaiyahan, ang nagmartsa niadtong Hulyo 5 aron ipadayag ang ilang grabeng pagsupak sa ginatukod nga Ahunan Dam. Gikan sa Saint Peter of Alcantara Parish Church, nagmartsa ang mga raliyista padulong sa upisina sa Ahunan Power Inc., kung asa gibasa ang pamahayag sa pakighiusa ug gipadayad ang kasuko sa katawhan.

Bag-ong CBA, napadaug sa Fuji Electric Philippines. Sa padayon nga pagpanghingusog, nakab-ot sa Lakas ng Nagkakaisang Manggagawa sa Fuji Electric Philippines Inc. (LNMFEP-OLALIA-KMU) ang dugang suhulan ug uban pang mga benepisyo para sa bag-ong collective bargaining agreement. Tinuig silang makadawat og dugang ₱50 sulod sa tulo ka tuig, makadawat og alawans sa pagkaon, bugas ug uban pa. Ang kumpanya pabrika sa semikonduktor nga nakabase sa Laguna.