Panalipdan ang IHL, panubagon si Marcos. Gatusan ang nagmartsa padulong sa Mendiola sa Maynila niadtong Agosto 19 aron dumdumon ang ika-76 nga anibersaryo sa International Humanitarian Law (IHL) ug panubagon ang rehimeng US-Marcos sa seryosong paglapas niini sa maong mga lagda. Gikundena usab nila ang National Action Plan for Unity, Peace and Development (NAP-UPD) sa rehimen nga gitawag nilang “nasudnong plano alang sa terorismo sa estado.”

Niadtong Agosto 13, midagsang ang mga progresibong grupo sa Asia-Pacific Regional Conference on IHL nga ginalunsad sa Makati City. Gikundena nila ang pagpasiugda sa rehimeng Marcos sa kumperensya nga gitawag nilang numero unong tiglapas sa IHL sa nasud. Usa ka adlaw ayha niini, nagtapok ang mga estudyante sa UP Diliman aron dumdumon ang Adlaw sa IHL ug ibutyag ang seryosong paglapas dinhi sa rehimeng Marcos, lakip sa mga minoryang katawhan.

Baligtaron ang desisyon. Miadto ang mga progresibong organisasyon sa Korte Suprema niadtong Agosto 12 aron iduso nga baligtaron niini ang desisyon nga nagbasura sa impeachment complaint batok kang Sara Duterte nga gisumite sa Kongreso ngadto sa Senado.

Pagbatok sa demolisyon sa Smokey Mountain. Nagprotesta atubangan sa Manila City Hall ang mga residente sa Smokey Mountain niadtong Agosto 18 aron ipanghingusog sa alkalde sa syudad nga si Isko Moreno nga makigdayalogo kanila tungod sa mga hulga sa pagpalayas kanila sa ilang komunidad. Gihimo ang demolisyon alang sa 100 megawatt nga Waste-to-Energy (WTE) Incineration Plant nga pagatukuron sa lugar.